Paano Ako Nahired Dito Sa Japan Sa Bago Kong Trabaho Lalo Na Hindi Ako Marunong Magsalita ng Japanese?

Paano Ako Nahired Dito Sa Japan Sa Bago Kong Trabaho Lalo Na Hindi Ako Marunong Magsalita ng Japanese?

Pagpasok ng taong 2022 nagplano na ako magtrabaho kasi ang bunso kong anak ay papasok na sa nursery school. Bandang May 2022 nag-apply ako sa Yolo Japan pero di ako natanggap kasi hinahanap nila yong marunong magsalita ng Japanese. Ang Yolo Japan ang isang recruitment agency para sa mga dayuhan dito sa Japan. Meron silang website at magregister ka at maraming pagpipilian ng trabaho. Pero di ako pinalad sa Yolo Japan. Marami akong inaplayan at pinuntahan na interview para sa trabaho pero di pinalad. Parang hopeless na ako. Nag-apply din sa Baitoru pero di tanggap kasi sa pagsasalita din ng Japanese. Nakaregister na ako sa Hello Work sa website pero mahirap intindihin kasi minsan walang translation sa English. Ang Hello Work ay tumutulong din sa dayuhan na gustong pumasok ng trabaho dito sa Japan. Nagsearch ako about sa Hello Work at may nakita akong contact number at Pilipino ang makakausap. Tinawagan ko at sinabi nya na ang Hello work sa Adachi Ward ay mahirap tumanggap kung di marunong magsalita ng Japanese. Pero nirefer nya ako sa may Shinjuku kasi yon puwede makahanap sila para sa akin. Tinawagan ko ang Hello Work Shinjuku at binigyan nila ako ng job consultation. Kaya noong September 8, 2022 pumunta ako ng Hello Work office sa may Shinjuku. Ang nag-assist sa akin ay isang Japanese at American. Hinanapan nila ako ng work. May dalawang tinawagan na trabaho pero di ako tanggap. Sabi ko sa una pa lang ayaw ko sa hotel magwork kasi ang hirap. Naranasan ko na kasi dati. Nagwork ako isang buwan lang. Pero no choice ako kasi sabi ko sa hotel na lang kaysa babalik ulit at maghahantay ng matagal. Nabored kasi ako sa bahay kaya ko naisipan pumasok ng part time job.  Kaya naghanap ulit sila. May nakita sila na malapit lang sa bahay. Tinawagan nila ang kompanya at nagset ng interview kinabukasan September 9, 2022. Noong interview ko parang light lang usapan. Ang nag-interview sa akin ay isang Japanese at may taga-translate sya na isang Myanmar. Pasado naman at kaya nagstart ako ng trabaho noong September 19, 2022. Sa wakas nakahanap din ako ng trabaho. Part time job.